स्कटल्याण्डसँग नेपाल पराजित

काठमाडौं । आइसीसी एकदिवसीय विश्वकप छनोटको तयारी स्वरुपको पहिलो एकदिवसीय अभ्यास खेलमा नेपालले स्कटल्याण्डसँग हार व्यहोरेको छ ।

दक्षिण अफ्रिकामा बिहीबार भएको अभ्यास खेलमा नेपाललाई स्कटल्याण्डले ७ विकेटले हराएको हो ।

नेपालले दिएको १ सय ३६ रनको लक्ष्य स्कटल्याण्डले ३ विकेट गुमाएर २९ ओभरमा १ सय ३७ रन जोड्दै पूरा गर्यो ।

स्कटल्याण्डको जितमा ब्रेण्डन म्याकमुलेनले अविजित रहदै ५९ रनको अर्धशतकीय इनिङ खेले ।

अविजित रहेका रिची बेरिङटनले ४१ रन बनाए ।

नेपालका गुलशन झाले २ र सोमपाल कामीले एक विकेट लिए ।

त्यसअघि टस हारेर पहिला ब्याटिङ गरेको नेपालले २८ ओभर ५ बलमा अल आउट हुँदै मात्र १ सय ३५ रन बनाएको थियो ।

नेपालका लागि  कुशल मल्लले सर्वाधिक ३७ रनको योगदान गरे । 

उनले २६ बलमा ४ चौका र २ छक्का प्रहार गरे । त्यस्तै ओपनर आसिफ शेखले २८ रन बनाउँदा कुशल भुर्तेल १६ रन बनाए ।

नेपालका लागि दीपेन्द्र सिंह ऐरीले १३ रन बनाउँदा अन्य ब्याट्म्यानले दोहोरो अंकमा रन जोड्न सकेनन् । 

स्कटल्याण्डका ब्रेन्डन म्याकुमलन र ज्याक जार्विसले तीन–तीन विकेट लिए । त्यस्तै शफ्यान शरिफले दुई विकेट लिँदा निल र हम्जा ताहिरले समान एक विकेट लिए ।

विश्वकप छनोटका लागि तयारीमा रहेको नेपालले अन्तिम तयारी स्वरुप दक्षिण अफ्रिकामा अभ्यासरत छ । 

नेपाली टोलीले दोस्रो अभ्यास खेल शनिबार नेदरल्यान्ड्ससँग खेल्नेछ ।