नेपाल र मलेसिया निर्णायक खेल खेल्दै

काठमाडौं । नेपालले निर्णायक तथा पाँचौ महिला टी-ट्वान्टी अन्तर्राष्ट्रिय खेलमा आज आईतबार मलेसियासँग खेल्दैछ । 

खेल मलेसियाको वाइएसडी यूकेएम ओभलमा नेपाली समय अनुसार बिहान पौने ९ मा सुरु हुनेछ । 

पाँच खेलको टी-ट्वान्टी अन्तर्राष्ट्रिय सिरिज २-२ को बराबरीमा छ । 

यस खेलमा जित हात पारेर नेपाल सिरिज जित्ने सोचमा रहेको छ । मलेसिया पनि सोहि लक्ष्यका साथ मैदान उत्रने छ । 

यस खेलमा जित हात पार्ने टोली नै पाँच खेलको महिला टी-ट्वान्टी सिरिजको विजेता हुने भएकोले खेल रोमान्चक हुने अनुमान लगाउन सकिन्छ ।

पहिलो खेलमा ५ विकेटले पराजित नेपालले दोस्रो खेलमा ७ विकेटको जित दर्ता गरेको थियो ।

तेस्रो खेलमा नेपालले २७ रनको जित दर्ता गर्दा चौथो खेल मलेसियाले ६ विकेटले जितेको थियो ।