कोशी प्रदेश फुटबल संघको अध्यक्षमा राई

धरान । कोशी प्रदेश फुटबल संघको अध्यक्षमा किशोर राई निर्वाचित भएका छन्।

कोशी प्रदेश फुटबल संघको प्रथम अधिवेशनले आइतबार राईलाई निर्विरोध अध्यक्ष चयन गरेको हो।

अध्यक्ष राईसहित सबै पदाधिकारी निर्विरोध चयन भएका छन्।

उपाध्यक्षमा मणि कुमार लिम्बु, समिर राई, सफल किरात, खड्क बहादुर श्रेष्ठ, शिव न्यौपाने र कबिरमान तुम्बापो चयन भएका छन्।

सदस्यमा लक्ष्मी प्रसाद काफ्ले, मनेश दाहाल, शम्भु प्रधान, महानन्द भंकराज, रन्जन कार्की,शारदा लिम्बु, रसिन तामाङ, अनुरोध थापा क्षेत्री, हिमाल थापा मगर, प्रेम प्रसाद तामाङ, कुवेर आङदेम्बे लिम्बु र गोकर्ण भट्टराई चयन भएका छन्।

नवनिर्वाचित अध्यक्ष राईले योगदान सहकार्य र देखाएको एकताको माध्यमबाट अगाडि बढाउने बताए । नेपाली फुटबलको गुमेको साख फर्काउन प्रतिवद्धता व्यक्त गरे ।