काठमाडौं । कुनै पनि टोलीको कप्तानको रुपमा भारतीय राष्ट्रिय क्रिकेट टोलीका पूर्व कप्तान महेन्द्रसिंह धोनीले दशौं पटक ईन्डियन प्रिमियर लिग(आइपीएल) को फाइनलमा पुगेको खेल्दैछन् ।
सुरुआत देखि नै महेन्द्रसिंह धोनीको कप्तानीमा खेल्दै आएको चेन्नईले दशौं पटक फाइनलमा स्थान बनाएको छ । आईतबार गुजरात टाईटन्ससँग फाइनल खेल्दै कप्तानको रुपमा धोनीले दशौं पटक फाइनल खेल्नेछन् । तर, खेलाडीको रुपमा भने धोनीले एघारौं पटक आइपीएल फाइनल खेल्दैछन् ।
२०१६ र २०१७ को दुई सिजन चेन्नई सुपर किंग्स आइपीएल खेल्न प्रतिबन्धित भएको थियो । यि दुई सिजन धोनीले राईजिङ पुने सुपर जायन्ट्सबाट आइपीएल खेलेका थिए । २०१६ को सिजनमा धोनीको कप्तानीमा पुने पुछारबाट दोस्रो स्थानमा रहेको थियो । २०१७ को सिजनमा टोलीले कप्तान परिवर्तन गरेको थियो ।
स्टिभ स्मिथको कप्तानीमा टोलीले फाइनलसम्मको यात्रा गर्दा धोनी टोलीका एक सदस्य मात्र रहेका थिए । कप्तानको रुपमा आइपीएल फाइनल खेल्नेमा धोनी शीर्ष स्थानमा रहेका छन् । आफ्नो टोलीलाई सर्वाधिक दोस्रो पटक फाइनलमा स्थान बनाउने कप्तान रोहित शर्मा हुन् ।
उनले पाँच पटक टोलीलाई फाइनल पुर्याएर पाँच पटक नै च्याम्पियन बनाएका छन् । तेस्रो स्थानमा गौतम गम्भिर र हार्दिक पान्ड्याको नाम रहेको छ । हार्दिकले गुजरात टाइटन्सलाई र गौतमले कोलकत्तालाई समान दुई पटक फाइनलमा पुर्याएका थिए ।
चेन्नईले धोनीको कप्तानीमा सन् २०१०, २०११, २०१८ र २०२१ मा उपाधि जितेको थियो । चेन्नई २००८, २०१०, २०११, २०१२, २०१३, २०१५, २०१८, २०१९, २०२१ र २०२३ मा फाइनलमा स्थान बनाएको थियो ।
आइपीएलको फाइनल आइतबार अहमदाबादमा हुनेछ ।
