काठमाडौं । चेन्नाई सुपर किंग्ग्स दशौं पटक ईन्डियन प्रिमियर लिग(आइपीएल)को फाइनलमा पुगेको छ ।
सुरुआत देखि नै महेन्द्र सिंह धोनीको कप्तानीमा खेल्दै आएको चेन्नाईले दशौं पटक फाइनलमा स्थान बनाएको छ । तर,महेन्द्र सिंह धोनीले भने व्यक्तिगत रुपमा एघारौं पटक आइपीएल फाइनल खेल्दैछन् ।
२०१६ र २०१७ मा चेन्नाईलाइ आइपीएल खेल्न प्रतिबन्ध लागेको समयमा धोनी राईजिङ पुने सुपर जायन्ट्समा आबद्ध रहेका थिए । स्टिभ स्मिथको कप्तानीमा रहेको सो टोलीले २०१७ मा मुम्बई ईन्डियन्सविरुद्ध फाइनल खेलेको थियो ।
मुम्बईसँग १ रनले पराजित हुदै पुनेले उपाधी भने जित्न सकेको थिएन । चेन्नाईले भने यस अघि ९ पटक फाइनलमा स्थान बनाँउदा ४ पटक च्याम्पियन भएको थियो । चेन्नाईले सन् २०१०, २०११, २०१८ र २०२१ मा उपाधि जितेको थियो । चेन्नाई २००८, २०१०, २०११, २०१२, २०१३, २०१५, २०१८, २०१९, २०२१ र २०२३ मा फाइनलमा स्थान बनाएको थियो ।
चेन्नाई २००९ मा सेमिफाइनलबाट बाहिरिएको थियो । २०१४ मा पनि चेन्नई फाइनल पुग्न सकेको थिएन । प्रतिबन्धको कारण २०१६ र २०१७ को सिजन खेलेको थिएन ।
चेन्नाई १४ संस्करण मध्य दुई २०२० र २०२२ मा मात्रै समूह चरणबाट बाहिरिएको थियो । अन्य १२ सिजनमा प्लेअफमा स्थान बनाएको छ । आइपीएलमा सर्वाधिक धेरै मुम्बई इन्डियन्सले पाँच पटक उपाधि जितेको छ । मुम्बईले २०१३, २०१५, २०१७, २०१९ र २०२० को उपाधि जितेको थियो । २०१० को फाइनलमा चेन्नाईसँग पराजित भएको थियो ।
बुधबार ईलिमिनेटर खेलमा मुम्बई इन्डियन्स र लखनऊ सुपर जायन्ट्सबीच प्रतिस्पर्धा हुनेछ । उक्त खेलको विजेताले फाइनलमा पुग्न दोस्रो क्वालिफायरमा गुजरात जायन्टसँग शुक्रबार प्रतिस्पर्धा गर्नेछ । आइपीएलको फाइनल आइतबार अहमदाबादमा हुनेछ ।
