अलि खानले नेपालविरुद्धको खेल गुमाउने सम्भावना 

काठमाडौं । अमेरिकाका तीव्र गतिका बलर अलि खानले आइसीसी एकदिवसीय विश्वकप छनोट खेलमा नेपालविरुद्धको खेल गुमाउने सम्भावना रहेको छ । 

तीव्र गतिका बलर खानलाई अन्तर्राष्ट्रिय क्रिकेट परिषद् (आइसीसी) ले दुई खेलमा प्रतिबन्ध लगाएको छ । खेल भावना विपरित कार्य गरेपछि उनलाई दुई अन्तर्राष्ट्रिय खेलमा प्रतिबन्ध लाएकोले खानले नेपालविरुद्धको खेल गुमाउने सम्भावना रहेको छ । 

खान अमेरिकी टिममा रहेमा नेपालविरुद्ध अमेरिकाको खेलपश्चात मात्र प्रतिबन्धबाट फुकुवा पाउने छन् ।

विश्वकप छनोट अघि अमेरिकाको अन्तर्राष्ट्रिय खेल कुनै पनि नरहेकाले असार ५ गते नेपालविरुद्धको खेलमा खान उपलब्ध हुने सम्भावना कम रहेको छ । 

खान अमेरिकाका मुख्य तिव्रगतिका बलर हुन् । ३२ वर्षिय खानले १२ एकदिवसीय खेलमा ३० विकेट लिएका छन् ।