ओलम्पिक दिवसमा स्केटबोर्ड प्रतियोगिता

पोखरा । अन्तर्राष्ट्रिय ओलम्पिक दिवसको अवसरमा पोखरामा स्केटबोर्ड प्रतियोगिता भएको छ ।  प्रतियोगिताको सिनियर तथा जुनियर क्याटागोरी अन्तर्गत  स्ट्रीट स्केटबोर्ड, पार्क स्केटबोर्ड, बेस्ट रन, गेम अफ स्केटमा क्रमश  सुनिल गुरुङ, उगेन राई, बिजन सापकोटा र सन्तोष पुन विजयी  भएका छन् ।

प्रतियोगितामा १०० खेलाडीको सहभागिता रहेको थियो । सहभागी मध्ये २० खेलाडी अन्तिम लिस्टमा पर्न सफल भएका थिए ।  अन्तिम लिस्टमा परेका खेलाडीलाई प्रतिस्पर्धा गराएर पहिलो, दोस्रो र तेस्रो खेलाडीको छनोट गरिएको थियो । बिजेता खेलाडीले मेडल, शिल्ड प्रमाण पत्र तथा एक - एक थान स्केटबोर्ड प्राप्त गरे ।

प्रतियोगिता पोखरा रंगशालामा रहेको अन्नपुर्ण स्केटपार्कमा सम्पन्न भएको हो  । प्रतियोगितामा पोखराका सन्तोष गुरुङ उत्कृष्ट खेलाडी भए । यस्तै पोखराकै अशिम तुलाचन अनुशासित खेलाडी घोषित भए  ।

प्रतियोगिताको उद्घाटन प्रदेश नम्बर २ की संसद मंजु यादव, पश्चिमान्चल खेलकुद बिकास समितिका अध्यक्ष खगराज पौडेलले संयुक्त रुपमा गरेका थिए  ।