काठमाडौं । पन्जाब किंग्सलाई पराजित गरि राजस्थान रोयल्सले जारी इन्डियन प्रिमियर लिग(आइपीएल)को शीर्ष चारमा रहदै प्लेअफ प्रवेशको सम्भावना कायमै राखेको छ।
धर्मशालाको एचपीसीएको क्रिकेट मैदानमा भएको खेलमा राजस्थान ४ विकेटले विजयी भएको हो ।
पन्जाबले दिएको १ सय ८८ रनको लक्ष्य राजस्थानले १९ दशमलब ४ ओभरमा ६ विकेट गुमाएर पूरा गर्यो ।
राजस्थानको जितमा यशस्वी जैसवाल र देवदत्त पडिकलले अर्धशतकीय ईनिङ खेले ।
पडिकलले ३० बलमा ५ चौका र ३ छक्काको सहयोगमा ५१ रन बनाए । जैसवालले ३६ बलमा ८ चौकाको सहयोगमा ५० रन बनाए ।
ओपनर जस बटलर एकै सिजनमा ५ पटक डग आउट हुने खराब कीर्तिमान बनाउँदै दोस्रो ओभरमा नै आउट भए ।
दोस्रो विकेटका लागि जैसवाल र पडिकल मिलेर ७३ रनको साझेदारी गर्दै जितको आधार तय गरेका थिए ।
चौथो विकेटका लागि सिमरन हिटमायर जैसवालले ४७ रनको साझेदारी गरेका थिए ।
सिमरन हिटमायरले २८ बलमा ४ चौका र ३ छक्काको सहयोगमा ४६ रन बनाए । रियान परागले १२ बलमा १ चौका र २ छक्काको सहयोगमा २० रन बनाए ।
धुव्र जुरेल छक्का प्रहार गर्दै राजस्थानलाई जित दिलाएका थिए । जुरेलले ४ बलमा अविजित १० रन बनाएका थिए ।
पन्जाबका लागि कागिसो रबाडाले २ तथा राहुल चहर,साम करन,नाथन एलिस र अर्शदिप सिंहले समान १/१ विकेट लिए।
त्यसअघि टस हारेर पहिले ब्याटिङ गरेको पन्जाबले निर्धारित २० ओभरमा ५ विकेट गुमाएर १ सय ८७ रन बनाएको थियो ।
पन्जाबका लागि साम करनले ३१ बलमा ४ चौका र २ छक्काको सहयोगमा अविजित ४९ रन बनाए । सुरुआत राम्रो हुन नसकेको पन्जाबका ओपनर प्रभसिमरन सिंह पहिलो ओभरमा २ रन बनाउँदै आउट भएका थिए ।
दोस्रो विकेटका लागि ओपनर तथा कप्तान शिखर धवन र अथर्व ताइडेले ३६ रनको साझेदारी गरेका थिए । कप्तान धवनले १२ बलमा १७ तथा ताइडेले १२ बलमा १९ रन बनाए ।
पाँचौ विकेटका लागि साम करन र जितेश शर्माले ६४ रनको साझेदारी गर्दै टोलीलाई बलियो योगफल सम्म पुर्याएका थिए ।
शर्माले २८ बलमा ३ चौका र ३ छक्काको सहयोगमा ४४ रन बनाए ।
पाँचौ विकेटका लागि साम करन र साहरुख खानले अविजित ७३ रनको साझेदारी गर्दै टोलीलाई बलियो योगफलसम्म पुर्याए ।
खानले २३ बलमा ४ चौका तथा २ छक्काको सहयोगमा अविजित ४१ रन बनाए ।
राजस्थानका लागि नवदिप सैनीले ३ तथा ट्रेन्ट बोल्ट र एडम जाम्पाले समान १/१ विकेट लिए ।
राजस्थान १४ खेलबाट १४ अंकका साथ पाँचौ स्थानमा रहेको छ । राजस्थानको प्लेअफ प्रवेशको सम्भावना कायमै रहेको छ । शनिबारको दोस्रो खेलमा लखनउसँग कोलकत्ताको हार तथा आइतबार मुम्बई तथा बेंगलोरको हारले राजस्थानको लागि प्लेअफको ढोका खुल्नेछ ।
पन्जाब १४ खेलमा १२ अंकका साथ प्रतियोगिताबाट बाहिरिएको छ ।
-1755433192.jpeg)
