काठमाडौं । दिल्ली क्यापिटल्ससँग पराजित हुँदै पन्जाब किंग्स भारतमा जारी इन्डियन प्रिमियर लिग(आइपीएल)को समूह चरणबाट नै बाहिरिएको छ ।
धर्मशालामा रहेको एचपीसीए मैदानमा दिल्ली १५ रनले विजयी भएको हो ।
दिल्लीले दिएको २ सय १४ रनको लक्ष्य पछ्याएको पन्जाबले निर्धारित २० ओभरमा ८ विकेट गुमाएर १ सय ९८ रन मात्र बनायो ।
पन्जाबका लागि लियम लिविङ्स्टोन र अर्थव ताईटेले अर्धशतकीय ईनिङ खेले पनि टोलीलाई जित सम्म पुर्याउन भने सकेनन् ।
लिविङ्स्टोनले ४८ बलमा ५ चौका र ९ छक्काको सहयोगमा ९४ रनको विष्फोटक ईनिङ्स खेले । ताईडे ४२ बलमा ५ चौका र २ छक्काको सहयोगमा ५५ रन बनाउदै रिटार्यड हर्ड आउट भए ।
सुरुआत राम्रो हुन नसकेको पन्जाबका लागि शुन्य रनमा नै दोस्रो ओभरमा कप्तान शिखर धवन आउट भएका थिए । दोस्रो विकेटका लागि ओपनर प्रभसिमरन सिंह र ताईडेले ३३ बलमा ५० रनको साझेदारी गरि पन्जाबलाई खेलमा पर्काउने कोसिस गरेका थिए ।
सिंह १९ बलमा ४ चौकाको सहयोगमा २२ रन बनाउँदै आउट भए पछि सो साझेदारी तोडिएको थियो । चौथो विकेटका लागि ताईडे र लियमले ५० बलमा ७८ रनको महत्वपूर्ण साझेदारी गरेका थिए ।
साम करनले ५ बलमा ११ रन बनाउँदा पन्जाबका अन्य ब्याटरले दोहोरो अंकमा रन बनाउन सकेनन् ।
दिल्लीका लागि एनरिच नोर्किया र इशान्त शर्माले समान २/२ तथा खलिल अहमद र अक्षर पटेलले समान १/१ विकेट लिए ।
त्यसअघि टस हारेर पहिला ब्याटिङ गरेको दिल्लीले निर्धारित २० ओभरमा २ विकेट गुमाउँदै २ सय १३ रन बनायो ।
दिल्लीका लागि राइली रोसोउ र पृथ्वी शाले अर्धशतकीय ईनिङ्स खेले । रोसोउले ३७ बलमा ६ चौका र ६ छक्कासहित अविजित ८२ रनमा बनाए ।
दिल्लीका लागि उत्कृष्ट सुरुआत दिने क्रममा ओपनरद्वय पृथ्वी शा र डेविड वार्नरले पहिलो विकेटका लागि ६२ बलमा ९४ रनको साझेदारी गरेका थिए । साम करनको बलमा शिखर धवनबाट क्याच आउट हुनु अघि वार्नरले ३१ बलमा ५ चौका र २ छक्का सहयोगमा ४६ रन बनाएका थिए ।
पृथ्वी प्लेअफ दौडबाट बाहिरि सकेको दिल्लीलाई शालाई आजको खेलमा मौका दिएको थियो । शा ३८ बलमा ७ चौका र १ छक्कासहित ५४ रनमा आउट भए । दोस्रो विकेटका लागि रोसोउ र शाको बीचमा २८ बलमा ५४ रनको महत्वपूर्ण साझेदारी भएको थियो ।
तेस्रो विकेटका लागि फिलिप साल्ट र रोसोउले ३० बलमा अविजित ६५ रनको साझेदारी गरेका थिए । साल्ट १४ बलमा २ चौका र २ छक्काको सहयोगमा २६ रनमा अविजित रहेका थिए ।
पन्जाबका साम करनले २ विकेट लिए । अन्य कुनैपनि बलरले विकेट लिन सकेनन् । दिल्लीले अन्तिम १२ बलमा ४१ रन जोडेको थियो ।
जितसँगै प्लेअफ दौडबाट बाहिरिसकेको दिल्ली १३ खेलबाट १० अंकका साथ नवौं स्थानमा रहेको छ ।
हारसँगै प्लेअफ सम्भावना समाप्त भएको पन्जाब १३ खेलबाछ १२ अंकका साथ आठौ स्थानमा झरेको छ ।
-1755433192.jpeg)
