काठमाडौं । काठमाडौंको दशरथ रंगशालामा हुन गईरहेको नेभरल्याण्ड सांगेतिक कार्यक्रमको टिकेट केटीएम सिटीको आउटलेटमा पाईने भएको छ ।
फागुन ९ गते अर्थात आगामी मंगलबार काठमाडौंको दशरथ रंगशालामा हुने भब्य सांगेतिक कार्यक्रमको टिकट केटीएम सिटीको आउटलेटमा उपलब्ध हुने आयोजकले जनाएको छ ।
काठमाडौंमा हुन लागेको भब्य सांगेतिक कार्यक्रममा केटीएम सिटी स्टाइलिङ पार्टनरको रुपमा जोडिएको छ । यस कार्यक्रममा चर्चित भारतीय र नेपाली कलाकारले प्रस्तुती दिनेछन् ।
कार्यक्रममा भारतीय कलाकार किंग, डिवाईन, आस्था गिल, सृष्टि तावडेले प्रस्तुती दिनेछन् भने नेपालबाट दोङ्ग, डिजे स्याडो र डीजे बिटक्रसको समेत प्रस्तुती रहनेछ ।
आइलाइभ इभेन्टको आयोजनामा हुन लागेको यस कार्यक्रममा टिकेटहरु केटीएम सिटीको सम्पुर्ण आउटलेटमा उपलब्ध हुने आयोजकले जनाएको छ । काठमाडौं बाहिर रहेको केटीएम सिटीका आउटलेटमा समेत यस इभेन्टको टिकेट प्राप्त गर्न सकिनेछ ।
नेपालमा पछिल्लो पटक हुन लागेको भब्य सांगेतिक कार्यक्रमलाई लक्षित गर्दै केटीएम सिटीले ३५ सय बराबरको सामान किन्ने आफ्ना ग्राहकलाई निशुल्क एउटा टिकेट उपलब्ध गराउने अफर सार्वजनीक गरेको छ ।
नेपाली ब्राण्ड केटीएम सिटीले खेलुकदसँगै आम मानिसको जीवनशैलीसँग जोडिएका विभिन्न कार्यक्रममा सहयोग र सहकार्य गर्दै अघि बढिरहेको छ । केटीएम सिटी नेपालको राष्ट्रिय फुटबल टिमको मुख्य किट प्रायोजक समेत हो ।
