नामिबियाविरुद्व नेपालले बनाएको पाँच कीर्तिमान

काठमाडौं । आइसीसी विश्वकप लिग टू अन्तर्गत त्रिकोणात्मक सिरिजको पहिलो खेलमा नेपालले पाहुना टोलि नामिबियालाई २ विकेटले पराजित गरेको छ ।

टियु क्रिकेट मैदानमा मंगलबार भएको खेलमा नामिबियाले दिएको २८६ रनको विशाल लक्ष्य नेपालले १४ बल अगामै ८ विकेट गुमाएर २८७ रन बनाउँदै पूरा गर्यो । 

नेपाल नामिबियाविरुद्धको यस जितमा धेरै कीर्तिमान बनाएको थियो । नामिबियाविरुद्धको खेलमा बनेको पाँच कीर्तिमानमा यसप्रकार रहेको छ :

१) रोहितको १ हजार रन पूरा 

नेपाली राष्ट्रिय क्रिकेट टिमका कप्तान रोहित कुमार पौडेलले नामिबियाविरुद्वको खेलमा १ हजार रन पूरा गरेका थिए । उनी एकदिवसीय अन्तर्राष्ट्रिय क्रिकेट एक हजार रन पूरा गर्ने पहिलो नेपाली खेलाडी बनेका छन् । 

रोहितले नेपालका लागि ३२ एकदिवसीय अन्तराष्ट्रिय खेलेका छन् । एकदिवसीय अन्तराष्ट्रियमा १ शतक तथा ६ अर्धशतक प्रहार गरेका छन् ।

अगस्ट ३ २०१८ मा उनले नेपालका लागि डेब्यु गरेका थिए । यो नेपालको दोस्रो एकदिवसीय अन्तराष्ट्रिय रहेको थियो । 

उनले नेपालका लागि ३३ एकदिवसीय अन्तराष्ट्रिय खेल खेलेका छन् ।

सर्वाधिक रन बनाउनेको दोस्रो स्थानमा पूर्व कप्तान ज्ञानेन्द्र मल्ल ७ सय ३४ रनका साथ रहँदा तेस्रो स्थानमा रहेका आसिफ शेखले ६ सय ५५ रन बनाएका छन् ।

रोहितले नामिबिया विरुद्धको खेलमा ७२ रन बनाएका थिए । 

२) सर्वाधिक साझेदारी 

नामिबियाविरुद्वको खेलमा नेपालका लागि ओपनर कुशल भुर्तेल र कप्तान रोहित कुमार पौडेलले सानदार साझेदारी गरेका थिए । 

नेपालको एकदिवसीय अन्तर्राष्ट्रिय क्रिकेटको इतिहासमै सर्वाधिक रनको साझेदारी गर्ने क्रममा पौडेल र भुर्तेलले तेस्रो विकेटका लागि १ सय ३३ रनको साझेदारी गरेका थिए । 

गत मार्चमा पपुवा न्युगिनिविरुद्व देव खनाल र दिपेन्द्र सिंह ऐरीले तेस्रो विकेटको लागि १ सय २९ रनको साझेदारी गरेको थिए । 

३) करणको तेस्रोपटक ५ विकेट 

अलराउण्डर करण केसीले नामिबियाविरुद्धको खेलमा नामिबियालाई २ सय ८५ रनमा रोक्न महत्त्वपूर्ण ५ विकेट लिएका थिए । 

यो सँगै उनले एकदिवसीय अन्तर्राष्ट्रिय क्रिकेटमा तेस्रोपटक पाँच विकेट लिएका हुन् । तीन पटक एकदिवसीय अन्तराष्ट्रियमा ५ विकेट लिने उनी पहिलो नेपाली क्रिकेटर  हुन् । 

गत बर्ष जुनमा अमेरिकामा भएको ओमानविरुद्धको २ खेलमा उनले ५५ विकेट लिएका थिए । 

४) सबैभन्दा ठूलो लक्ष्य पछ्याउदै जित

टस हारेर पहिले ब्याटिङ गरको नाबिमियाले दिएको २ सय ८६ रनको लक्ष्य १४ बल अगाबै पूरा गरेको छ । यो नेपालले पूरा गरेको सर्वाधिक ठूलो लक्ष्य हो । यसअघि २०१९ मा नेपालले यूएईविरुद्ध यूएईमा नै २ सय ५५ रनको लक्ष्य पूरा गरेको थियो । 

५) ओपनरको पहिलो शतक 

नेपालका लागि हालसम्म एकदिवसीय अन्तराष्ट्रियमा ओपनरले शतक प्रहार गरेका थिएनन् । नेपालका लागि नामिबियाविरुद्धको खेलमा शतक प्रहार गरेका कुशल भुर्तेलले यो कीर्तिमान कायम गरेका छन् । 

यस अघि आसिफ शेखले २०२१ मा ओमानविरुद्ध ९० रन बनाएका थिए । 

यस बाहेकएकदिवसीय अन्तराष्ट्रियमा नेपालले नामिबियालाई पहिलो पटक हराएको लगायतका धेरै कीर्तिमानहरु आज बनेका छन् ।