बराबरीमा रोकियो एट्लेटिको

काठमाडौं । स्पेनिस ला लिगा फुटबलमा एट्लेटिको मड्रिड बराबरीमा रोकिएको छ ।

शनिबार राति भएको खेमा एट्लेटिकोले गेटाफेसँग १-१ गोलको बराबरी खेलेको हो ।

घरेलु मैदानमा एक गोलको अग्रता जोगाउन नसक्दा एट्लेटिको रोकिएको हो ।

खेलको ६० औं मिनेटमा एन्जल कोरेयाले गोल गर्दै एट्लेटिकोलाई सुरुआती अग्रता दिलाएका थिए ।

तर, खेलको ८३ औं मिनेटमा इनेस उनलले पेनाल्टीबाट गोल गर्दै गेटाफेलाई १-१ गोलको बराबरीमा फर्काए ।

यस बराबरीसँगै एट्लेटिकोले २० खेलमा ३५ अंक जोडेको छ ।

एट्लेटिको चौंथो स्थानमा रहेको छ ।

गेटाफे १८ अंक जोडेर १९ औं स्थानमा रहेको छ ।