डर्टमण्डको फराकिलो जित

काठमाडौं । जर्मन बुन्डेसलिगा फुटबलमा बोरुसिया डर्टमण्डले फराकिलो जित निकालेको छ ।

शनिबार राति भएको खेलमा डर्टमण्डले फ्रेईवर्गलाई ५-१ गोल अन्तरले हराएको हो ।

डर्टमण्डको जितमा निको स्लोटरबेक, करिम एडियमी, सेबास्टियन हालेर,जुलियन ब्रान्ट र जियोभानी रेयानाले एक एक गोल गरे ।

फ्रेईवर्गका लुकास होलेरले एक गोल फर्काए ।

यस्तै किलिन सिल्दियाले रातो कार्ड पाएपछि फ्रेईवर्ग १० खेलाडीमा समेटिएको थियो ।

यस जितसँगै डर्टमण्डले १९ खेलमा ३७ अंक जोडेको छ ।

डर्टमण्ड तेस्रो स्थानमा रहेको छ ।

फ्रेईवर्ग ३४ अंक जोडेर छैटौं स्थानमा रहेको छ ।