प्यालेसमाथि युनाईटेडको जित

काठमाडौं । इंग्लिस प्रिमियर लिग फुटबलमा म्यानचेस्टर युनाईटेडले सहज जित निकालेको छ ।

शनिबार राति भएको खेलमा युनाईटेडले क्रिस्टल प्यालेसलाई २-१ गोल अन्तरले हराएको हो ।

खेलको सातौं मिनेटमा ब्रुनो फर्नान्डेसले पेनाल्टीबाट गोल गर्दै युनाईटेडलाई सुरुआती अग्रता दिलाएका थिए ।

खेलको ६२ औं मिनेटमा मार्कुस राषफोर्डले गोल गर्दा युनाईटेड २-० ले अघि रह्यो ।

खेलको ७० औं मिनेटमा कासिमिरोले रातो कार्ड पाएपछि युनाईटेड १० खेलाडीमा समेटियो ।

त्यसपछि खेलको ७६ औं मिनेटमा क्रिस्टलका जेफ्री स्लुपले गोल गरेपनि युनाईटेड २-१ ले विजयी भयो  ।

यस जितसँगै युनाईटेडले २१ खेलमा ४२ अंक जोडेको छ ।

युनाईटेड तेस्रो स्थानमा रहेको छ ।

क्रिस्टल प्यालेस २४ अंक जोडेर १२ औं स्थानमा रहेको छ ।

प्रिमियर लिग अन्तर्गत नै ब्रेन्टफोर्डले साउथह्याम्पटनलाई ३-० ले हराएको छ ।

लेस्टर सिटीले एस्टन भिल्लालाई ४-२ ले पराजित गर्दा ब्राइटनले बर्नेमाउथलाई १-० ले हराएको छ ।