एभर्टनसँग आर्सनलको हार  

काठमाडौं।  इंग्लिस प्रिमियर लिग फुटबलमा आर्सनल पराजित भएको छ ।

शनिबार राति भएको खेलमा आर्सनललाई एभर्टनले १-० गोल अन्तरले हराएको हो ।

पहिलो हाफ गोलरहित बराबरीमा सकिएको खेलको दोस्रो हाफमा गोल गर्दै एभर्टनले जित निकालेको हो ।

एभर्टनलाई जित दिलाउन जेम्स तार्कोवस्कीले निर्णायक गोल गरे ।

जेम्सले खेलको ६० औं मिनेटमा गोल गरे । जुन गोल एभर्टनको जितमा प्रयाप्त बन्यो ।

लिग लिडर आर्सनलको यो सिजनको दोस्रो हार हो ।

यस हारसँगै आर्सनलले शीर्ष स्थानको अग्रता फराकिलो बनाउन चुकेको छ ।

आर्सनल २० खेलमा ५० अंक जोडेर शीर्ष स्थानमा रहेको छ ।

एभर्टन १८ अंक जोडेर १७ औं स्थानमा रहेको छ ।

सन डायस मुख्य प्रशिक्षक नियुक्त भएपछि एभर्टनले पहिलो खेलमै जित निकालेको हो ।