खुम्बु ल्होसार कपलाई केटीएम सिटीको प्रायोजन

काठमाडौं । शेर्पा आउटडोरको केटीएम सिटीले १३ औं खुम्बु ल्होसार कप फुटबललाई प्रायोजन गरेको छ ।

नेपाली ब्राण्ड केटीएम सिटीले आधिकारिक किट पार्टनरको रुपमा खुम्बु ल्होसार कप फुटबललाई प्रायोजन गरेको हो।

आयोजक खुम्जुङ युवा क्लबले शुक्रबार पत्रकार सम्मेलनमार्फत प्रतियोगितालाई केटीएम सिटीले प्रायोजन गरेको जनाएको छ ।

प्रतियोगिता माघ २८ देखि फागुन ६ गतेसम्म आयोजना हुनेछ ।

सानो गौचरण खेलकुद मैदानमा  हुने प्रतियोगितामा आठ टोलीको सहभागिता रहेको छ ।

शेर्पा समुदायको महान चाड ल्होसार (नयाँ वर्ष) को अवसरमा प्रतियोगिता विगत १२ वर्षदेखि हुँदै आएको छ ।