डिफेन्डर संजय र सोनित हिमालयन शेर्पामा

काठमाडौं । सहिद स्मारक 'ए' डिभिजन लिग क्लब हिमालयन शेर्पाले डिफेन्डर संजय राजबाहक र सोनित दाहाललाई अनुबन्ध गरेको छ ।

हिमालयनले बिहीबार सामाजिक संजालबाट डिफेन्डर संजय र सोनितलाई अनुबन्ध गरिएको जनाएको छ ।

नयाँ सिजनको सहिद स्मारक 'ए' डिभिजन लिगका लागि हिमालयनले दुई डिफेन्डर अनुबन्ध गरेको हो ।

नयाँ सिजनको 'ए' डिभिजन लिग फागुन १९ गतेबाट सुरु हुँदैछ ।

यस अघि हिमालयनले खामिर गिल्सान र यदु सिलवाललाई अनुबन्ध गरेको थियो।