कान्सेलो बायर्नमा अनुबन्धित

काठमाडौं । जर्मन च्याम्पियन बायर्न म्युनिखले डिफेन्डर जोआ कान्सेलोलाई अनुबन्ध गरेको छ ।

जनवरी ट्रान्सफरको डेडलाइन डेमा बायर्नले कान्सेलोलाई लोनमा अनुबन्ध गरेको हो ।

बायर्नले म्यानचेस्टर सिटीका डिफेन्डर कान्सेलोलाई यस सिजनको अन्तिमसम्मका लागि लोनमा अनुबन्ध गरेको हो ।

बायर्नमा कान्सेलोले २२ नम्बरको जर्सी लगाउने छन् ।

सिटीले कान्सेलोलाई स्थायी खेलाडीको रुपमा अनुबन्धको बिकल्प समेत दिएको छ ।

२८ वर्षीय फुलब्याक कान्सेलो २०१९ मा युभेन्ट्सबाट सिटी आएका थिए ।

पोर्चुगिज डिफेन्डरले सिटीका लागि ९८ खेल खेलिसकेका छन् ।

पेप ग्वार्डीओलाको नेतृत्वमा उनले दुई लिग र ईएफएल कप जितिसकेका छन् ।