एन्जोका लागि १२० मिलियन युरो तिर्न चेल्सी तयार

काठमाडौं । प्रिमियर लिग क्लब चेल्सीले अर्जेन्टिनी मिडफिल्डर एन्जो फर्नान्डेज अनुबन्धको लागि प्रस्ताव गरेको छ ।

सेन्टर मिडफिल्डर अनुबन्धका लागि चेल्सीले पोर्चुगिज क्लब बेन्फिकालाई प्रस्ताव गरेको बीबीसीले जनाएको छ ।

चेल्सीले २२ वर्षीय मिडफिल्डर अनुबन्धका लागि १२० मिलियन युरोको प्रस्ताव गरेको हो ।

एन्जोले समेत बेन्फिका छाड्ने योजना बनाएका छन् । उनले बेन्फिकालाई क्लब छाड्ने बताईसकेको बताईएको छ ।

यता, बेन्फिका भने एन्जोलाई क्लबमै राख्न चाहन्छ ।

एन्जो २०२२ मा रिभर प्लेटबाट बेन्फिका आएका थिए ।  बेन्फिकाका लागि उनले १७ लिग खेलमा १ गोल गरेका छन् ।

एन्जोले अर्जेन्टिनाका लागि १० खेलमा १ गोल गरिसकेका छन् ।

कतार विश्वकपमा एन्जोले उत्कृष्ट प्रदर्शन गरेका थिए ।

अर्जेन्टिनाले कतार विश्वकप जित्दा उनले १ गोल गरेका थिए ।

कतार विश्वकपमा एन्जो उत्कृष्ट युवा खेलाडी चुनिएका थिए ।