एन्जो अनुबन्धको प्रयासमा चेल्सी

काठमाडौं । प्रिमियर लिग क्लब चेल्सीले अर्जेन्टिनी मिडफिल्डर एन्जो फर्नान्डेज अनुबन्धको प्रयास गरिरहेको छ ।

सेन्टर मिडफिल्डर अनुबन्धका लागि चेल्सीले प्रयास गरिरहेको द टेलिग्राफले जनाएको छ ।

चेल्सीले २२ वर्षीय मिडफिल्डरलाई पोर्चुगिज क्लब बेन्फिकाबाट अनुबन्ध गर्ने तयारी गरेको हो ।

चेल्सीले एन्जो अनुबन्धका लागि बेन्फिकासँग कुराकानी अघि बढाएको बताईएको छ ।

एन्जोले समेत बेन्फिका छाड्ने योजना बनाएका छन् । उनले बेन्फिकालाई क्लब छाड्ने बताईसकेको बताईएको छ ।

यता, बेन्फिका भने एन्जोलाई क्लबमै राख्न चाहन्छ ।

एन्जो २०२२ मा रिभर प्लेटबाट बेन्फिका आएका थिए ।

बेन्फिकाका लागि उनले १७ लिग खेलमा १ गोल गरेका छन् ।

एन्जोले अर्जेन्टिनाका लागि १० खेलमा १ गोल गरिसकेका छन् ।

कतार विश्वकपमा एन्जोले उत्कृष्ट प्रदर्शन गरेका थिए ।

अर्जेन्टिनाले कतार विश्वकप जित्दा उनले १ गोल गरेका थिए ।

कतार विश्वकपमा एन्जो उत्कृष्ट युवा खेलाडी चुनिएका थिए ।