पीएसजी रोकियो

काठमाडौं । फ्रेन्च लिग वान फुटबलमा पेरिस सेन्ट जर्मेन (पीएसजी) बराबरीमा रोकिएको छ ।

आइतबार राति भएको खेलमा पीएसजीले रिम्ससँग १-१ गोलको बराबरीमा रोकिएको हो ।

घरेलु मैदानमा सुरुआती एक गोलको अग्रता जोगाउन नसक्दा पीएसजीले अंक बाड्नु परेको हो ।

खेलको ५१ औं मिनेटमा नेयमारले गोल गर्दै पीएसजीलाई सुरुआती अग्रता दिलाएका थिए ।

५९ औं मिनेटमा मार्को भेराट्टीले रातो कार्ड पाएपछि पीएसजी १० खेलाडीमा समेटियो ।

त्यसपछि खेलको इन्जुरी समयमा फोलारिन बालोगुनले गोल गर्दै रिम्सलाई १-१ गोलको बराबरीमा ल्याएका थिए ।

यस बराबरीसँगै पीएसजीले २० खेलमा ४८ अंक जोडेको छ ।

पीएसजी शीर्ष स्थानमा यथावत रहेको छ ।

रिम्स २६ अंक जोडेर ११ औं स्थानमा रहेको छ ।