नापोलीलाई १३ अंकको अग्रता

काठमाडौं । इटालियन सिरी 'ए' फुटबलमा नापोलीले जित निकालेको छ ।

आइतबार राति भएको खेलमा नापोलीले रोमालाई २-१ गोल अन्तरले हराएको हो ।

नापोलीको जितमा भिक्टर ओसिम्हेन र जियोभानी सिमवनले एक एक गोल गरे ।

रोमाका स्टेफान एल शारव्यले एक गोल फर्काए ।

खेलको १७ औं मिनेटमा भिक्टरले गोल गर्दै नापोलीलाई सुरुआती अग्रता दिलाएका थिए ।

७५ औं मिनेटमा स्टेफानले गोल गर्दै रोमालाई १-१ गोलको बराबरीमा ल्याए ।

त्यसपछि खेलको ८६ औं मिनेटमा जियोभानीले गोल गर्दै नापोलीलाई २-१ को जित दिलाए ।

जितसँगै नापोलीले २० खेलमा ५३ अंक जोडेको छ ।

नापोली दोस्रो स्थानको इन्टर मिलान भन्दा १३ अंकले अघि रहेको छ ।

रोमा ३७ अंक जोडेर छैटौं स्थानमा रहेको छ ।