बराबरीमा रोकियो रियल

काठमाडौं । स्पेनिस ला लिगा फुटबलमा रियल मड्रिड बराबरीमा रोकिएको छ ।

आइतबार राति भएको खेलमा रियलले रियल सोसिडाडसँग गोलरहित बराबरी खेलेको हो ।

घरेलु मैदानमा पाएको अवसरलाई सदुपयोग गर्न नसक्दा रियलले अंक बाड्नु परेको हो ।

यस बराबरीसँगै रियलले शीर्ष स्थानको बार्सिलोनासँग अंक दुरी घटाउने मौका समेत गुमाएको छ ।

रियल ४२ अंक जोडेर दोस्रो स्थानमा रहेको छ ।

शीर्ष स्थानको बार्सिलोनाको ४७ अंक रहेको छ ।

सोसिडाड ३९ अंक जोडेर तेस्रो स्थानमा रहेको छ ।