अन्जनको डेब्यु खेलमा केन्क्रे एफसी पराजित

काठमाडौं । नेपाली राष्ट्रिय फुटबल टोलीका फरवार्ड अन्जन विष्ट सम्मलित मुम्बई केन्क्रे एफसीले भारतको आई लिगमा हार व्यहोरेको छ ।

आइतबार भएको खेलमा क्रेन्केलाई गोकुलम केरेलाले १-० गोल अन्तरले हराएको हो ।

गोकुलमको जितमा सेर्जियो मेन्डीले निर्णायक गोल गरे ।

मेन्डीले २१ औं मिनेटमा गोल गरे ।

अन्जनले यसै खेलबाट डेब्यु गरेका हुन् ।

अन्जनलाई यस सिजनको अन्तिम सम्मका लागि आई लिग क्लबले अनुबन्ध गरेको हो ।

क्रेन्के १३ अंक जोडेर ११ औं स्थानमा रहेको छ ।

गोकुलम २४ अंक जोडेर तेस्रो स्थानमा रहेको छ ।