टोटेनहम पाँचौं चरणमा

काठमाडौं । टोटेनहम एफए कप फुटबलको पाँचौं चरणमा प्रवेश गरेको छ ।

शनिबार राति प्रिस्टनलाई ३-० गोल अन्तरले हराउँदै टोटेनहमले पाँचौं चरणको यात्रा तय गरेको हो ।

टोटेनहमको जितमा सन ह्युङ मिनले दुई गोल गरे । अर्नोट डान्जुमाले एक गोल थपे ।

खेलको ५० औं मिनेटमा सनले गोल गर्दै टोटेनहमलाई सुरुआती अग्रता दिलाएका थिए ।

६९ औं मिनेटमा सनले व्यक्तिगत दोस्रो गोल गर्दै टोटेनहमलाई २-० को अग्रता दिलाए ।

त्यसपछि खेलको ८७ औं मिनेटमा डान्जुमाले गोल गर्दै टोटेनहमलाई ३-० को जित दिलाए ।

उनले डेब्यु खेलमै टोटेनहमका लागि गोल गरेका हुन् ।

साउथह्याम्पटन पनि पाँचौं चरणमा प्रवेश गरेको छ ।

ब्लाकपुललाई २-१ गोल अन्तरले हराएर साउथह्याम्पटनले पाँचौं चरणको यात्रा तय गरेको हो ।