इन्टरको पुनरागमन जित

काठमाडौं । इटालियन सिरी ए फुटबलमा इन्टर मिलानले पुनरागमन जित निकालेको छ ।

शनिबार राति भएको खेलमा इन्टरले क्रेमोनीजविरुद्ध २-१ को जित निकालेको हो ।

खेलको ११ औं मिनेटमा डेभिड ओक्रेरेकेले गोल गर्दै क्रेमोनीजलाई सुरुआती अग्रता दिलाएका थिए ।

तर, लाउटरो मार्टिनेजले दुई गोल गरेपछि इन्टरले जित निकालेको हो ।

खेलको २१ औं मिनेटमा मार्टिनेजले गोल गर्दै इन्टरलाई १-१ गोलको बराबरीमा ल्याए ।

त्यसपछि खेलको ६५ औं मिनेटमा मार्टिनेजले व्यक्तिगत दोस्रो गोल गर्दै इन्टरलाई २-१ को जित दिलाए ।

जितसँगै इन्टर दोस्रो स्थानमा उक्लिएको छ ।

इन्टरले २० खेलमा ४० अंक जोडेको छ ।

क्रेमीनीज ८ अंक जोडेर पुछारमा रहेको छ ।