कासिमिरो चम्किदा युनाईटेड पाँचौं चरणमा

काठमाडौं । म्यानचेस्टर युनाईटेड एफए कप फुटबलको पाँचौं चरणमा प्रवेश गरेको छ ।

शनिबार राति भएको खेलमा रिडीङलाई ३-१ गोल अन्तरले हराउँदै युनाईटेडले अर्को चरणको यात्रा तय गरेको हो ।

युनाईटेडको जितमा कासिमिरोले दुई गोल गरे ।

खेलको ५४ औं मिनेटमा कासिमिरोले गोल गर्दै युनाईटेडलाई सुरुआती अग्रता दिलाएका थिए ।

५८ औं मिनेटमा कासिमिरोले व्यक्तिगत दोस्रो गोल गर्दा युनाईटेडको अग्रता दोब्बर बनाए ।

खेलको ६५ औं मिनेटमा एन्डी कारोलले रातो कार्ड पाएपछि रिडीङ १० खेलाडीमा समेटियो ।

६६ औं मिनेटमा फ्रेडले गोल गर्दा युनाईटेड ३-० ले अघि रह्यो ।

त्यसपछि खेलको ७२ औं मिनेटमा रिडीङका अमाडोउ सालिफले गोल गरेपनि युनाईटेड ३-१ ले विजयी भयो ।