लेस्टर र लिड्स पाँचौं चरणमा

काठमाडौं । लेस्टर सिटी लिड्स युनाईटेड एफए कप फुटबलको पाँचौं चरणमा प्रवेश गरेको छ ।

शनिबार राती वालसललाई १-० गोल अन्तरले हराउँदै लेस्टरले पाँचौं चरणको यात्रा तय गरेको हो ।

लेस्टरको जितमा केलिची इहानाचोले निर्णायक गोल गरे ।

केलिचीले खेलको ६८ औं मिनेटमा गोल गरेका हुन् ।

त्यसअघि ४८ औं मिनेटमा लेस्टरका युरी टेलीमान्सले पेनाल्टीमा गोल गर्न सकेनन् ।

यस्तै लिड्स युनाईटेडले एक्रिङ्गटन स्टेनलीलाई ३-१ ले हराएर पाँचौं चरणमा स्थान बनाएको छ ।

लिड्सको जितमा ज्याक हेरिसन, जुनियर फिर्पो र लुइस सिनिस्टेराले एक एक गोल गरे ।

स्टेनलीका लेस्ली एडेकोयाले एक गोल फर्काए ।