अलन्सोले थपे सम्झौता

काठमाडौं । स्पेनिस क्लब बार्सिलोनाका डिफेन्डर मार्कोस अलन्सोले क्लबसँगको सम्झौता नवीकरण गरेका छन् ।

अलन्सोले थप एक वर्ष क्लबमा बस्ने गरि सम्झौता नवीकरण गरेको बार्सिलोनाले जनाएको छ ।

अलन्सो २०२४ सम्म बार्सिलोनामा रहने छन् ।

३२ वर्षीय अलन्सोले बार्सिलोनाका लागि १० लिग खेलमा १ गोल गरेका छन् ।

बार्सिलोनाले स्पेनिस डिफेन्डरलाई गत वर्ष फ्री ट्रान्सफरमा अनुबन्ध गरेको थियो ।

लेफ्ट ब्याक अलन्सो इंग्लिस प्रिमियर लिग क्लब चेल्सी छाडेर स्पेन आएका थिए ।

चेल्सीमा ६ वर्ष बिताएर उनले क्लब छाडेका हुन् ।