एसवाईसी कप महिला तथा  पुरुष फुटबल प्रतियोगिता हुने

काठमाडौं । लमजुङ जिल्लाको मर्स्याङ्दी गाउँपालिकामा एसवाईसी कप महिला तथा पुरुष फुटबल प्रतियोगिता आयोजना हुने भएको छ ।

शिलादेबी युवा क्लबको आयोजनामा हुने प्रतियोगिता फागुन ७ गतेबाट सुरु हुनेछ ।

प्रतियोगितामा पुरुष र महिला दुबै टिमको प्रतिस्पर्धा हुनेछ ।

पुरुषको विजेताले १ लाख र उपविजेताले ६० हजार नगद पाउने छन् ।

सेमिफाइनल पुग्ने टोलीले ५/५ हजार पाउने छन् ।

महिलाको विजेताले २० हजार र उपविजेताले १२  हजार पाउने आयोजकले जनाएको छ ।

महिला र पुरुषतर्फ उत्कृष्ट खेलाडी, सर्वाधिक गोलकर्ता र अनुशासित टोलीलाई समेत पुरस्कृत गरिने छ ।