रबि र सरोजसहित संकटाका ५ खेलाडीले गरे सम्झौता नवीकरण

काठमाडौं । सहिद स्मारक 'ए' डिभिजन क्लब संकटाका पाँच खेलाडीले सम्झौता नवीकरण गरेका छन् ।

संकटाले बिहीबार सामाजिक संजालबाट पाँच खेलाडीले सम्झौता नवीकरण गरेको जनाएको छ ।

कप्तान समेत रहेका रबि सिलवाल, सरोज दाहाल, रोशन पहरी,दिपेन्द्र बिक र गणेश हमालले सम्झौता नवीकरण गरेको संकटाले जनाएको छ ।

नयाँ सिजनको सहिद स्मारक 'ए' डिभिजन लिग अघि संकटाले पाँच खेलाडीसँगको सम्झौता थप गरेको हो ।  

नयाँ सिजनको 'ए' डिभिजन लिग फागुन १९ गतेबाट सुरु हुँदैछ । लिग डबल राउण्ड रोबिनको आधारमा हुनेछ ।