चितवनमा सेभेन ए साइड नकआउट फुटबल हुने

काठमाडौं । प्रयास युथ क्लबको आयोजनामा पहिलो संस्करणको खुल्ला सेभेन ए साइड नकआउट फुटबल प्रतियोगिता आयोजना हुने भएको छ ।

प्रतियोगिता माघ २५ गतेबाट फागुन ५ गतेसम्म आयोजना हुने आयोजक क्लबले जनाएको छ ।

प्रतियोगिता चितवन भरतपुरस्थित जगतपुरको गौचरण मैदानमा आयोजना हुनेछ ।

प्रतियोगिताको विजेताले उपाधि ट्रफीसँगै ४० हजार ४९९ रुपैयाँ पाउने छन् ।

उपविजेता टोलीले २० हजार ४९९ रुपैयाँ पाउने छन् ।

फेयर प्ले टोलीले २ हजार, सर्वोत्कृष्ट खेलाडी, सर्वाधिक गोलकर्ता र राइजिङ प्लेयरले जनही १ हजार पाउने छन् ।

प्रतियोगिताका लागि दर्ता शुल्क ३ हजार राखिएको छ ।