पहिलो लेगमा युनाईटेडको सहज जित

काठमाडौं । काराबाओ कप फुटबल अन्तर्गत सेमिफाइनलको पहिलो लेगमा म्यानचेस्टर युनाईटेडले सहज जित निकालेको छ ।

बुधबार राति भएको खेलमा युनाईटेडले नटिङघम फरेस्टलाई ३-० गोल अन्तरले हराएको हो ।

युनाईटेडको जितमा मार्कुस राषफोर्ड,वाउट वेगहर्स्ट र ब्रुनो फर्नान्डेसले एक एक गोल गरे ।

खेलको छैटौं मिनेटमा राषफोर्डले गोल गर्दै युनाईटेडलाई सुरुआती अग्रता दिलाएका थिए ।

४५ औं मिनेटमा वेगहर्स्टले गोल गर्दा युनाईटेडको अग्रता २-० को बन्यो ।

त्यसपछि खेलको ८९ औं मिनेटमा ब्रुनोले गोल गर्दै युनाईटेडलाई ३-० को जित दिलाए ।

दुई टोलीबीचको दोस्रो लेग आगामी बुधबार राति हुनेछ ।