स्ट्राइकर डुरान एस्टनमा

काठमाडौं । प्रिमियर लिग क्लब एस्टन भिल्लाले स्ट्राइकर जोन डुरानलाई अनुबन्ध गरेको छ ।

एस्टनले सिकागो फायरबाट स्ट्राइकर डुरानलाई अनुबन्ध गरेको हो ।

१९ वर्षीय कोलम्बियन स्ट्राइकरलाई एस्टनले १८ मिलियन पाउण्डमा अनुबन्ध गरेको हो ।  

डुरानले सिकागोका लागि २८ खेलमा ८ गोल गरेका थिए ।

 कोलम्बियाका लागि उनले ३ खेल खेलिसकेका छन् ।

मुख्य प्रशिक्षक उनाइ इम्रीको नेतृत्वमा एस्टनले दोस्रो खेलाडीको रुपमा उनलाई अनुबन्ध गरेको हो ।

यसअघि एस्टनले एलेक्स मोरेनोलाई अनुबन्ध गरेको थियो ।