केनको गोलमा टोटेनहम विजयी

काठमाडौं । इंग्लिस प्रिमियर लिग फुटबलमा टोटेनहमले फुलहमलाई हराएको छ ।

सोमबार राति भएको खेलमा टोटेनहमले फुलहमलाई १-० गोल अन्तरले हराएको हो ।

टोटेनहमको जितमा ह्यारी केनले निर्णायक गोल गरे ।

केनले पहिलो हाफको इन्जुरी समयमा गोल गरेका हुन् ।

टोटेनहमका लागि केनको यो २६६ औं गोल हो ।

केनले टोटेनहमका लागि सर्वाधिक गोल गर्ने जिम्मी ग्रेभ्सको कीर्तिमानसँग बराबरी समेत गरेका छन् ।

जितसँगै टोटेनहमले २१ खेलमा ३६ अंक जोडेको छ ।

टोटेनहम पाँचौं स्थानमा रहेको छ ।

फुलहम ३१ अंक जोडे सातौं स्थानमा रहेको छ ।