रियलको सहज जित

काठमाडौं । स्पेनिस ला लिगा फुटबलमा रियल मड्रिडले सहज जित निकालेको छ ।

आइतबार राति भएको खेलमा रियलले एथ्लेटिक बिल्बाओलाई २-० गोल अन्तरले हराएको हो ।

रियलको जितमा करिम बेन्जिमा र टोनी क्रुसले एक एक गोल गरे ।

खेलको २४ औं मिनेटमा बेन्जिमाले गोल गर्दै रियललाई सुरुआती अग्रता दिलाएका थिए ।

त्यसपछि खेलको इन्जुरी समयमा टोनीले गोल गर्दै रियललाई २-० को जित दिलाए ।

यस जितसँगै रियलले १७ खेलमा ४१ अंक जोडेको छ ।

रियल दोस्रो स्थानमा रहेको छ ।

बिल्बाओ २६ अंक जोडेर आठौं स्थानमा रहेको छ ।