बार्सिलोनाको जितमा पेड्रीको गोल

काठमाडौं । स्पेनिस ला लिगा फुटबलमा लिग लिडर बार्सिलोनाले जित निकालेको छ ।

आइतबार राति भएको खेलमा बार्सिलोनाले गेटाफेलाई १-० गोल अन्तरले हराएको हो ।

बार्सिलोनाको जितमा पेड्रीले निर्णायक गोल गरे ।

खेलको ३५ औं मिनेटमा राफिन्हाको पासमा पेड्रीले गोल गरेका हुन् ।

पेड्रीको यो सिजनको पाँचौं गोल हो ।

यस जितसँगै बार्सिलोनाले १७ खेलमा ४४ अंक जोडेको छ ।

बार्सिलोना शीर्ष स्थानमा कायम रहेको छ ।

गेटाफे १७ अंक जोडेर लिगको १६ औं स्थानमा रहेको छ ।