युनाईटेडमाथि आर्सनलको रोमान्चक जित

काठमाडौं । इंग्लिस प्रिमियर लिग फुटबलमा शीर्ष स्थानको आर्सनलले रोमान्चक जित निकालेको छ ।

आइतबार राति भएको खेलमा आर्सनलले म्यानचेस्टर युनाईटेडमाथि ३-२ गोलको रोमान्चक जित निकालेको हो ।

इमिरेट्स स्टेडियममा भएको खेलमा सुरुआती अग्रता युनाईटेडले बनाएको थियो ।

खेलको १७ औं मिनेटमा मार्कस राषफोर्डले गोल गर्दै युनाईटेडलाई सुरुआती अग्रता दिलाएका थिए ।

तर, खेलको २४ औं मिनेटमा एड्डी एनकेटीहले गोल गर्दै आर्सनललाई १-१ गोलको बराबरीमा ल्याए ।

खेलको ५३ औं मिनेटमा बुकायो साकाले गोल गर्दै आर्सनललाई २-१ को अग्रता दिलाए ।

तर, खेलको ५९ औं मिनेटमा लिसान्द्रो मार्टिनेजले गोल गर्दै युनाईटेडलाई २-२ को बराबरीमा ल्याए ।

त्यसपछि खेलको इन्जुरी समयमा एनकेटीहले व्यक्तिगत दोस्रो गोल गर्दै आर्सनललाई ३-२ को जित दिलाए ।

जितसँगै आर्सनलले १९ खेलमा ५० अंक जोडेको छ ।

आर्सनल शीर्ष स्थानमा यथावत रहेको छ ।

युनाईटेड २० खेलमा ३९ अंक जोडेर चौंथो स्थानमा रहेको छ ।