डिफेन्डर डसन उल्भ्समा अनुबन्धित

काठमाडौं । इंग्लिस प्रिमियर लिग क्लब उल्भ्सले डिफेन्डर क्रेग डसनलाई अनुबन्ध गरेको छ ।

उल्भ्सले वेस्ट ह्यामबाट ३.३ मिलियन पाउण्डमा डसनलाई अनुबन्ध गरेको हो ।

इंग्ल्यान्डका डसनले उल्भ्ससँग साढे दुई वर्षको सम्झौता गरेका छन् ।

३२ वर्षीय डसन दुई सिजन वेस्ट ह्याममा बिताएर उल्भ्स आएका हुन् ।

सेन्टर ब्याक डसनले प्रिमियर लिगमा २ सय ४६ खेल खेलेका थिए ।

डसनले वेस्ट ह्यामका लागि ८७ खेलमा ५ गोल गरेका छन् ।