डिफेन्डर किवियर अनुबन्ध गर्दै आर्सनल

काठमाडौं । प्रिमियर लिगको लिग लिडर आर्सनलले डिफेन्डर जाकब किवियरलाई अनुबन्ध गर्ने भएको छ ।

आर्सनलले पोल्याण्डका डिफेन्डरलाई इटालियन क्लब स्पेजियाबाट अनुबन्ध गर्न लागेको हो ।

आर्सनलले २० मिलियन पाउण्डमा उनलाई अनुबन्ध गर्न लागेका हुन् ।

किवियरको आर्सनलमा मेडिकल भईसकेको समेत बताईएको छ ।

उनले आर्सनलसँग २०२८ सम्मको सम्झौता गर्ने बताईएको छ ।

२२ वर्षीय डिफेन्डरले पोल्याण्डका लागि ९ खेल खेलिसकेका छन् ।

कतार विश्वकपमा उनले ४ खेल खेलेका थिए ।

आर्सनलले यस अघि बेल्जियमका फरवार्ड लियान्द्रो ट्रासोर्डलाई अनुबन्ध गरिसकेको छ ।

उपाधि होडमा रहेको आर्सनलले प्रिमियर लिग प्रतिद्वन्दी ब्राइटनबाट ट्रासोर्डलाई अनुबन्ध गरेको हो ।