नापोलीलाई १२ अंकको अग्रता

काठमाडौं ।  इटालियन सिरी 'ए' फुटबलमा नापोलीले सहज जित निकालेको छ ।

शनिबार राति भएको खेलमा नापोलीले सालेरनिटानालाई २-० गोल अन्तरले हराएको हो ।

नापोलीको जितमा जियोभानी डी लोरेन्जो र भिक्टर ओसीम्हेनले एक एक गोल गरे ।

पहिलो ह्फ्को इन्जुरी समयमा लोरेन्जोले गोल गर्दै नापोलीलाई सुरुआती अग्रता दिलाएका थिए ।

त्यसपछि खेलको ४८ औं मिनेटमा भिक्टरले गोल गर्दै नापोलीलाई २-० को जित दिलाए ।

यस जितसँगै नापोलीले शीर्ष स्थानमा १२ अंकको अग्रता बनाएको छ ।

नापोलीले १९ खेलमा ५० अंक जोडेको छ ।

सालेरनिटाना १८ अंक जोडेर १६ औं स्थानमा रहेको छ ।