युभेन्ट्सको १५ अंक कटौती

काठमाडौं । इटालियन सिरी 'ए' लिगमा युभेन्ट्सको १५ अंक कटौती भएको छ ।

इटालीको फुटबल महासंघ (एफआईजीसी) ले कारबाही स्वरूप युभेन्ट्सको १५ अंक कटौती गरेको हो ।

ट्रान्सफर डिलिङ र नक्कली पुँजीगत लाभ गरेको पुष्टि भएपछि युभेन्ट्सलाई कारबाही गरिएको हो ।

युभेन्ट्सले २०१८ देखि २० सम्म आफ्नो घाटाको गलत रिपोर्ट देखाएको बताईएको छ । विशेष गरि खेलाडी किनबेचमा आएको रकमको सम्बन्धमा गलत रिपोर्ट देखाएर आर्थिक लाभ लिएको एफआईजीसीले जनाएको छ ।

अंक कटौती भएपछि युभेन्ट्स लिगको १० औं स्थानमा झरेको छ ।

यस अघि युभेन्ट्स तेस्रो स्थानमा रहेको थियो ।

युभेन्ट्सले अंक कटौतीविरुद्ध अपील गर्ने जनाएको छ ।