बराबरीमा रोकियो बायर्न

काठमाडौं । जर्मन बुन्डेसलिगा फुटबलमा बायर्न म्युनिख बराबरीमा रोकिएको छ ।

शुक्रबार राति भएको खेलमा बायर्नले आरबी लाइपजिगसँग १-१ गोलको बराबरी खेलेको हो ।

एक गोलको सुरुआती अग्रता जोगाउन नसक्दा बायर्नले बराबरी खेल्नु परेको हो ।

खेलको ३७ औं मिनेटमा एरिक म्याक्सिम मोटिङले गोल गर्दै बायर्नलाई सुरुआती अग्रता दिलाएका थिए ।

तर, खेलको ५२ औं मिनेटमा मार्सल हल्स्टनवर्गले गोल गर्दै लाइपजिगलाई १-१ गोलको बराबरीमा ल्याए ।

यस बराबरीसँगै बायर्नले १६ खेलमा ३५ अंक जोडेको छ ।

बायर्न शीर्ष स्थानमा यथावत रहेको छ ।

लाइपजिग २९ अंक जोडेर तेस्रो स्थानमा रहेको छ ।