मेम्फिस डिपे एट्लेटिकोमा अनुबन्धित

काठमाडौं । स्पेनिस क्लब एट्लेटिको मड्रिडले फरवार्ड मेम्फिस डिपेलाई अनुबन्ध गरेको छ ।

एट्लेटिकोले नेदरल्यान्ड्सका फरवार्डलाई ला लिगा प्रतिद्वन्दी बार्सिलोनाबाट अनुबन्ध गरेको हो ।

डिपेले एट्लेटिकोसँग साढे दुई वर्षको सम्झौता गरेका छन् ।

म्यानचेस्टर युनाईटेडका पूर्व फरवार्डले यस सिजन बार्सिलोनाका लागि मात्र ४ खेल खेलेका थिए ।

डच फरवार्ड २०२१ मा लियोनबाट बार्सिलोना आएका थिए ।

उनले बार्सिलोनाका लागि ३० ला लिगामा १३ गोल गरिसकेका छन् ।

२८ वर्षीय फरवार्डले नेदरल्यान्ड्सका लागि ८६ खेलमा ४३ गोल गरिसकेका छन् ।