ब्राजिलियन डिफेन्डर पक्राउ

काठमाडौं ।  ब्राजिलियन डिफेन्डर डानी अल्भेस स्पेनमा पक्राउ परेका छन् ।

महिलालाई यौन दुर्व्यवहार गरेको आरोपमा अल्भेस शुक्रबार पक्राउ परेका हुन् ।

बार्सिलोनाका पूर्व डिफेन्डर अल्भेसमाथि गत डिसेम्बरमा नाइट क्लबमा एक महिलालाई यौन दुर्व्यवहार गरेको आरोप छ।

३९ वर्षीय डिफेन्डरले २०२२ को डिसेम्बर ३० मा महिलालाई यौन दुर्व्यवहार गरेको बताईएको छ ।

शुक्रबार प्रहरीमा उपस्थित भएका अल्भेसले आरोप अस्वीकार गरेका छन् ।

उनले नाइट क्लबमा उपस्थित भएपनि आफुले दुर्व्यवहार नगरेको दाबी गरेका छन् ।

अल्भेसलाई बार्सिलोनाको सिउटाट डे ला जस्टिसियामा लगिनेछ ।

त्यहाँ उनी अदालतको सुनुवाइमा उपस्थित हुनेछन् ।