ट्रासोर्ड अनुबन्ध गर्दै आर्सनल

काठमाडौं । प्रिमियर लिगको लिग लिडर आर्सनलले बेल्जियमका फरवार्ड लियान्द्रो ट्रासोर्डलाई अनुबन्ध गर्ने भएको छ ।

आर्सनलले अर्का प्रिमियर लिग क्लब ब्राइटनबाट ट्रासोर्डलाई अनुबन्ध गर्ने भएको हो ।

ट्रासोर्डलाई २१ मिलियन पाउण्डमा अनुबन्ध गर्न आर्सनल सहमत भएको बताईएको छ ।

ब्राइटनका मुख्य प्रशिक्षक रोबर्टोसँग सम्बन्ध चिसिएपछि ट्रासोर्डले ब्राइटन छाड्न लागेका हुन् ।

यस सिजन ट्रासोर्ड निकै लयमा रहेका छन् ।

उनले प्रिमियर लिगको १६ खेलमा ७ गोल र ३ असिस्ट गरिसकेका छन् ।

कतार विश्वकपमा उनी बेल्जियमको टोलीमा रहेका थिए ।