रियलको पुनरागमन जित

काठमाडौं । रियल मड्रिड स्पेनिस कोपा डेल रे फुटबलको क्वाटरफाइनलमा प्रवेश गरेको छ ।

बिहीबार राति भएको खेलमा भिल्ला रियललाई ३-२ गोल अन्तरले हराउँदै रियल अन्तिम आठमा पुगेको हो ।

रियलले दुई गोलको अग्रता उल्टाएर जित निकालेको हो ।

खेलको चौंथो मिनेटमा इटिने कपौएले गोल गर्दै भिल्लालाई सुरुआती अग्रता दिलाएका थिए ।

खेलको ४२ औं मिनेटमा सामुएल चुक्वेजेले गोल गरेपछि भिल्लाको अग्रता २-० को बन्यो ।

दोसो हाफमा रियल खेलमा फर्कियो ।

खेलको ५७ औं मिनेटमा भिनिसियस जुनियरले गोल गर्दै रियललाई २-१ को स्थितिमा ल्याए ।

६९ औं मिनेटमा इडर मिलिटाओले गोल गर्दै रियललाई २-२ को बराबरीमा ल्याए ।

त्यसपछि खेलको ८६ औं मिनेटमा डानी सेबालोसले गोल गर्दै रियललाई ३-२ को जित दिलाए ।