सहज जितसँगै बार्सिलोना क्वाटरफाइनलमा

काठमाडौं । बार्सिलोना स्पेनिस कोपा डेल रे फुटबलको क्वाटरफाइनलमा प्रवेश गरेको छ ।

बिहीबार राति तेस्रो श्रेणीको एडी सेउटालाई ५-० गोल अन्तरले हराउँदै बार्सिलोना क्वाटरफाइनलमा प्रवेश गरेको हो ।

बार्सिलोनाको जितमा रोबर्टो लेवान्डोस्कीले दुई गोल गरे ।

खेलमा बार्सिलोनाले सुरुआती अग्रता राफिन्हाको गोलबाट ४१ औं मिनेटमा लिएको थियो ।

५० औं मिनेटमा लेवान्डोस्कीले गोल गर्दै बार्सिलोनाको अग्रता दोब्बर बनाए ।

अन्सु फातीले ७० औं मिनेटमा गोल गर्दै टिमको अग्रता तेब्बर बनाए ।

खेलको ७७ औं मिनेटमा फ्रान्क केस्सीले गोल गर्दै बार्सिलोनाको अग्रता ४-० को बनाए ।

त्यसपछि खेलको ९० औं मिनेटमा लेवान्डोस्कीले गोल गर्दै बार्सिलोनालाई ५-० को सहज जित दिलाए ।