इन्टरलाई इटालियन सुपर कपको उपाधि

काठमाडौं । इन्टर मिलानले इटालियन सुपर कपको उपाधि जितेको छ ।

बुधबार राति भएको फाइनलमा एसी मिलानलाई ३-० गोल अन्तरले हराउँदै इन्टरले उपाधि जितेको हो ।

इन्टरलाई जित दिलाउन फेडेरिको डिमार्को, इडेन जेको र लाउटरो मार्टिनेजले एक एक गोल गरे ।

खेलको दशौँ मिनेटमा फेडेरिकोले गोल गर्दै इन्टरलाई सुरुआती अग्रता दिलाएका थिए ।

इडेनले २१ औं मिनेटमा गोल गर्दा इन्टरको अग्रता दोब्बर बन्यो ।

त्यसपछि खेलको ७७ औं मिनेटमा मार्टिनेजले गोल गर्दै इन्टरको जित पक्का गरे ।

इटालियन सुपर कपको फाइनलमा इन्टरले पहिलो पटक मिलानलाई हराएको हो ।

इन्टरले सातौं पटक इटालियन सुपर कपको उपाधि जितेको हो ।