वेल्सको महिला फुटबलरले पुरुष बराबर सेवासुविधा पाउने

काठमाडौं । वेल्सको राष्ट्रिय महिला फुटबल टिमले पुरुष खेलाडी सरह समान तलब, भत्ता र सेवासुविधा पाउने भएका छन् ।

फुटबल एसोसियसन अफ वेल्सले बुधबार महिला खेलाडीलाई पुरुष खेलाडी सरह समान तलब, भत्ता र सेवासुविधा उपलब्ध गराउने निर्णय गरेको हो ।

यस्तै वेल्सका पुरुष खेलाडीहरु २५ प्रतिशत तलब कटौती गर्न सहमत भएका छन् ।

महिला खेलाडीको तलब पुरुष समान बनाउन २५ प्रतिशत तलब कटौती गर्न सहमत भएका हुन् ।

महिला खेलाडीलाई पुरुष समान सेवासुविधा दिने वेल्स सातौं राष्ट्र हो ।

अमेरिका, इंग्ल्यान्ड, ब्राजिल, अष्ट्रेलिया, नर्वे र न्युजिल्याण्डले महिला खेलाडीलाई पुरुष समान तलब र सेवासुविधा दिने गरेको छ ।